Loading Events

Upcoming Events › Festival

Events Search and Views Navigation

List of Events

Happy Chinese New Year Film Festival

9 Jannar - 21 Jannar

Happy Chinese New Year Film Festival

+ Export Events
ip_man_3_still

IP MAN 3

Data u Ħin: Il- Ħamis, 9 ta’ Jannar 2020,  7.30pm

Donnie Yen jirritorna fl-irwol ikoniku tiegħu ta’ Ip Man, il-mustaċċun veru tal-Wing Chun Kung Fu li ħarreġ lil Bruce Lee. F’din it-tielet parti tas-serje blockbuster tal-arti marzjali, hekk kif banda ta’ gangsters brutali mmexxijin minn żviluppatur tal-proprjetà korrott (Mike Tyson) jittantaw jieħdu l-belt taħt il-kontroll tagħhom, Mastru Ip ikun imġiegħel jesprimi l-opinjoni tiegħu. Uħud mix-xeni tal-ġlied l-iżjed inkredibbli li qatt ġew iffilmjati se jkunu qed jidhru fuq l-iskrin il-kbir f’dan li għad jibda jitqies bħala klassiku tal-ġeneru.

Ċert: 12A
Tul: 105 minuta
Lingwa: Ċiniż bi sottotitoli Ingliżi

7g_lstormstills01

L Storm 

Data u Ħin: Is-Sibt, 11 ta’ Jannar 2020, 3pm

L-investigatur William Luk mill-Kummissjoni Indipendenti għal kontra l-korruzzjoni (KIKK) u l-uffiċjal Lau Po-keung mill-Joint Financial Intelligence Unit (JFIU) rispettivament qegħdin jinvestigaw każ ta’ korruzzjoni u ta’ ħasil ta’ flus, iżda ma jistgħu jsibu l-ebda ħjiel. F’dan il-mument, Ching Tak-ming mil-L Team ta’ KIKK (Tim investigattiv dixxiplinarju intern) jirċievi rapport minn Eva Ng, jgħid illi Luk aċċetta tixħim ta’ HK$12-il miljun. Nieqes mill-ħila li jagħti spjegazzjoni, Luk jiġi sospiż immedjatament minn xogħlu. Lau jiskopri illi Luk kien il-vittma ta’ frame-up b’rabta mal-każ tal-ħasil ta’ flus li kien qiegħed jinvestiga. Fl-istess ħin, Lau jissuspetta wkoll kif id-direttur tal-bank Yau Chi-san assista lill-moħħ wara organizzazzjoni kriminali, Wong Hoi-Wo, fil-ħasil tal-flus. Direttur ta’ Uffiċċju għal-Kontra l-Korruzzjoni Hong Liang jasal ġewwa Hong Kong sabiex jipprovdi informazzjoni utli lil Lau, b’hekk jiżvela kif uffiċjali korrotti huma involuti fil-każ tal-ħasil ta’ flus. Luk jissagrifika s-sigurtà tiegħu sabiex jiġbor evidenza li sservi ta’ prova tal-innoċenza tiegħu, iżda jispiċċa sabiex jeħel il-ħabs. 

Ċert: 12
Tul: 90 minuta
Lingwa: Ċiniż bi sottotitoli Ingliżi

Tomorrow Is Another Day Hero

Tomorrow Is Another Day

Data u Ħin: Il-Ħadd, 12 ta’ Jannar 2020, 3pm

Il-film ixxandar bħala preżentazzjoni speċjali ġewwa l-Festival tal-Films Asjatiku ta’ Hong Kong fl-2017. Teresa Mo rebħet ukoll il-premju għall-Aqwa Attriċi fl-okkażjoni tas-sebgħa u tletin Premju tal-Films ta’ Hong Kong. 

 

Is-Sa Wong taf bir-relazzjoni li għandu żewġha, iżda f’ġieħ iż-żwieġ tagħhom u binhom li għandu l-awtiżmu, hija tagħżel li tissaporti fis-silenzju. Biss, is-sieħba tiegħu għandha motiv ulterjuri u tispiċċa sabiex tiddisturbalhom ħajjithom, tant li finalment, is-Sur Wong jispiċċa jitlaq mid-dar wara ġlieda li jkollhom. Is-Sa Wong tispiċċa tħossha mitlufa, u ssibha wkoll iebsa sabiex tieħu ħsieb lil binha waħedha. Għalhekk tibda tippjana kif se tivvendika ruħha mis-sieħba ta’ żewġha. 

Ċert: 15
Tul: 90 minuta
Lingwa: Ċiniż bi sottotitoli Ingliżi

Coming Home Hero

Coming Home

Data u Ħin: Il-Ħamis, 16 ta’ Jannar 2020, 7:30pm

Coming Home huwa film Ċiniż tad-drama storika tal-2014 b’direzzjoni ta’ wieħed mill-iżjed diretturi ta’ talent Zhang Yimou, bis-sehem ta’ Chen Daoming u Gong Li, tnejn mill-iżjed atturi ċċelebrati ġewwa ċ-Ċina. Dan fl-Istati Uniti ħareġ fil-11 ta’ Settembru 2015 u deher l-ewwel darba għall-pubbliku fl-20 ta’ Mejju 2014 matul il-Festival tal-Films ta’ Cannes.
Lu Yanshi u Feng Wanyu huma koppja devota sfurzati sabiex jinfirdu minn xulxin hekk kif Lu jispiċċa arrestat u jintbagħat f’kamp tax-xogħol bħala priġunier politiku, filwaqt li martu tweġġa’ f’inċident. Meħlus biss fl-aħħar ftit jiem tar-revoluzzjoni kulturali, huwa fl-aħħar jerġa’ lura lejn daru fejn isib lil martu tbati mill-amneżija u bi ftit li xejn memorja dwar il-passat tagħha. Bla ma tagħraf lil Lu, hija bil-paċenzja kollha toqgħod tistenna r-ritorn ta’ żewġha. Stranġier waħdu fil-qalba tal-familja mfarrka tiegħu, Lu Yanshi huwa determinat li jqajjem mill-ġdid il-passat tagħhom flimkien u jqanqal mill-ġdid il-memorja ta’ martu.

Ċert: 12A
Tul: 111 minuta
Lingwa: Ċiniż bi sottotitoli Ingliżi

Zhang Ziyi The Banquet stills 3

The Banquet

Data u Ħin: It-Tlieta, 21 ta’ Jannar 2020, 7:30pm

Il-film għandu direzzjoni ta’ Feng Xiaogang bis-sehem ta’ Zhang ZiyiGe YouDaniel Wu u Zhou Xun. Huwa addattament ħieles tat-traġedja Hamlet ta’ William Shakespeare, b’temi bħall-vendetta u d-destin. Ambjentat fiċ-Ċina tal-għaxar seklu fil-perijodu tal-ħames dinastiji u l-għaxar renji, The Night Banquet iseħħ f’imperu f’kaos. L-imperatur, l-imperatriċi, il-prinċep futur, il-Ministru u l-Ġeneral ilkoll għandhom l-għedewwa tagħhom li lkoll jixtiequ jtemmu f’ikla ta’ filgħaxija. 

 

Il-premier internazzjoni ta’ The Banquet ittella’ ġewwa l-Festival tal-Films ta’ Venezja, fejn irċieva l-Future Film Festival Digital Award. Irċieva wkoll il-People’s Choice Award matul ir-raba’ Festival tal-Films Dinji f’Bangkok.  

 

Ċert: 15
Tul: 130 minuta
Lingwa: Ċiniż bi sottotitoli Ingliżi