Dati: Il-Ġimgħa, 5 ta’ Ġunju – Il-Ħadd, 14 ta’ Ġunju 2020
Post: Ċinema

Organizzat mill- Film Grain Foundation, il-Valletta Film Festival huwa l-akbar avveniment ċinematiku ta’ Malta, li juri aktar minn erbgħin film u ħamsa u għoxrin film qasir fi swali taċ-ċinema fuq ġewwa kif ukoll għall-apert madwar il-belt. Il-festival jinkludi taqsimiet kompetittivi dedikati għaċ-Ċinema tan-Nazzjonijiet iż-Żgħar evalwati minn ġurija internazzjonali u numru ta’ taqsimiet li jiffukaw fuq films minn gżejjer differenti madwar id-dinja, iċ-ċinema għall-maġġorenni u retrospettiva ddedikata lil diretturi tal-films stabbiliti. Taqsima oħra intitolata ‘Without Borders’ tiffoka fuq reġjun differenti tad-dinja. Se jsiru wkoll serje ta’ masterclasses, taħditiet, dibattiti u workshops matul l-għaxart ijiem tal-festival.