“Għalfejn nissallab bix-xogħol meta se mmut xorta waħda?”
Maggiorani (bħala Antonio) f’The Bicycle Thief

 

Data u ħin: Il-Ħadd 9 ta’ Ottubru 2016, 2.00PM
Post: Ċinema (Kavallier ta’ San Ġakbu)
Prezz: B’xejn

Wara sentejn qiegħed, Antonio, ħaddiem tal-idejn, fl-aħħar jirnexxielu jsib xogħol li jinvolvi id-distribuzzjoni tar-riklami madwar Ruma. Iżda sabiex jivvjaġġa minn post għall-ieħor, Antonio jkollu juża r-rota li rnexxielu jiddobba mill-monti di pietà billi partat il-bjankeriji tal-familja. Imma fl-ewwel ġurnata tax-xogħol, serqulu r-rota. Flimkien ma’ ibnu tar-rispett, iqaxxru t-toroq ta’ Ruma sabiex forsi jsibu minn hu responsabbli tas-serqa, għalkemm il-ħalliel dejjem qisu jirnexxielu jantiċipa kull mossa tagħhom. It-tfittxija tagħhom toħodhom minn post għall-ieħor – ġewwa sala tal-unjonijiet, tlaqqagħhom ma’ wieħed li jgħid li jaqra l-futur, u ġewwa burdell – u ma’ kull pass tiżdied id-disperazzjoni sakemm fl-aħħar jintebaħ li hu stess ikollu jdur għas-serq biex ikun jista’ jsostni lil familtu.

Dan il-vjaġġ qalb it-toroq u l-ħaddiema ta’ Ruma jikseb identità oħra – dik ta’ metafora għall-preservazzjoni tal-umanità maqbuda f’univers ostili.

‘The Bicycle Thief’ qed jintwera bl-appoġġ tal-Istituto Italiano di Cultura f’kollaborazzjoni ma’ Spazju Kreattiv. 

L-ewwel edizzjoni tal-European Art Cinema Day hija inizzjativa ta’ CICAE, b’kollaborazzjoni ma’ Spazju Kreattiv. Dan l-avveniment huwa appoġġjat mis-Sjra Monika Grütters, il-Ministru tal-Istat għall-Kanċillier Federali u l-Kummisarja tal-Gvern Federali għall-Kultura u l-Midja (Ġermanja); is-Sjra Audrey Azoulay, il-Ministru tal-Kultura u l-Kommunikazzjoni (Franza); Wim Wenders, Juliette Binoche u Nanni Moretti.