EMM Plattenspieler – The Vinyl Talk with Junior B, Ed Blank and Introwerks

Data u Ħin: Il-Ħamis,  11 t’ April, 2019, 7pm
Post: Studjow B, Spazju Kreattiv
Dħul b’xejn: Postijiet fuq bażi ta’ min jiġi l-ewwel, jinqeda l-ewwel.

Matul dan l-avveniment il-mistiedna speċjali, DJs Junior B u Introwerks u l-produttur Ed Blank, se jisimgħu u jiddiskutu mużika rrekordjata fuq diski tal-Vinyl.

Kull mistieden se jagħżel diska tal-vinyl, jdoqqha lill-udjenza u jitkellem dwarha. Kull wieħed se jitkellem dwar meta semagħha għall-ewwel darba, x’ħass meta semagħha, fejn xtraha, l-emozzjonijiet li evokaw il-qoxra tad-diska, il-ħanut tad-diski u l-bejjiegħ li kien jaħdem hemm, il-belt fejn instabet id-diska, l-artist mużikali, is-sena jew ix-xahar meta ġew esperjenzati dawn l-avvenimenti, u kwalunkwe stejjer oħrajn li jirriżultaw mid-diskussjoni dwar kull diska. DJs oħrajn u l-pubbliku jistgħu wkoll jipparteċipaw fid-diskussjoni u jponu mistoqsijiet dwar dawn id-diski tal-vinyl.
Din it-tip ta’ diskussjoni hija bbażata fuq kunċett ta’ diskussjoni oriġinali li ġie żviluppat mill-awtur Ġermaniż u DJ Thomas Meinecke.