Dati u Ħinijiet: Il-Ġimgħa, 3 – Is-Sibt, 4 ta’ Mejju, 2019
Post: Atriju, Lejn l-Atriju, Studjos A, B u t-Teatru ta’ Spazju Kreattiv
Dħul għall-konferenza huwa bla ħlas

Circuits hija konferenza annwali għal dawk li tinteressahom il-produzzjoni u l-innovazzjoni fil-mużika elettronika. Din il-konferenza, li ħa tirritorna għar-raba’ edizzjoni tagħha, hija organizzata minn Electronic Music Malta u bħal fis-snin li għaddew ser ssir ġewwa Spazju Kreattiv fit-3 u 4 ta’ Mejju, 2019.

Fl-ewwel jum, ser ikollna Performance-Lecture mingħand Yuri Landman, kreatur ta’ strumenti mużikali alternattivi u artist passat fl-Artists’ Residency Programme ta Spazju Kreattiv. F’din l-attività, Yuri se jkun qed idoqq strumenti varji li kkrea hu stess filwaqt li jispjega xi ftit mit-tekniċi li huwa juża fil-proċess tal-kreazzjoni.

Fit-tieni jum, il-konferenza tkun fl-aqwa tagħha permezz ta’ serje ta’ diskussjonijiet u rappreżentazzjonijiet bis-sehem ta’ Mario Abela, Introwerks, Robert Babicz, Melchior Sultana u The Ebbin & Flow.

Finalment, il-konferenza tiġi fi tmiemha b’kunċert mill-gruppi POW Ensemble u Poèmes Électroniques.

Bħal fis-snin ta’ qabel, ‘Circuits’ ħa tinkludi wkoll installazzjoni, ‘masterclasses’ fuq inġinirija tal-ħoss u ‘sound design’ u mużika kontinwa li ħa tindaqq minn diversi dj’s.

‘Circuits 2019’ hija parti mill-programm ta’ Spazju Kreattiv u qed tiġi mnedija bis-saħħa ta’ Black Box Pro, Red Bull u Late Interactive.

Il-konferenza ser tkun bla ħlas filwaqt li l-biljetti għall-kunċerti jixtraw:
Biljett ta’ ġurnata: EUR10 (EUR8 għall- membri ta’ EMM)
Biljett għaż-żewġ avvenimenti: EUR15 (EUR12 għall- membri ta’ EMM ),
(Circuits 2019 – Yuri Landman Performance-Lecture + Circuits 2019 – Poèmes Électroniques & Pow Ensemble)

Biex tixtri biljett wieħed għaż-żewġ avvenimenti (EUR15 ), jekk jogħġbok agħżel post minn fuq iż-żewġ avvenimenti u s-sistema tiddireġik għall-prezz imraħħas awtomatikament.

Ġħall-membri ta’ EMM, jekk jogħġobkom agħżlu post minn fuq iż-żewġ avvenimenti, u agħżlu ‘EMM Members’ mill-menu ta’ fuq.  Kif isir dan, is-sistema tiddireġik għall-prezz speċjali u mraħħas awtomatikament.