ĊineXjenza se jinkludi wirja ta’ d-drama ‘Beautiful Boy’ fit-14 ta’ Marzu fis-7 ta’ filgħaxija fiċ-ċinema ta’ Spazju Kreattiv bħala parti mil-Brain Awareness Week. Ingħaqad fl-avveniment biex tavviċina storja personali, fuq relazzjoni bejn missier u iben fiġ-ġlieda taż-żgħażugħ mal-vizzju tad-droga, minn perspettiva xjentifika.

Esperti mistiedna se jiddiskutu l-konsegwenzi ta’ vizzju kif ukoll il-mekkaniżmi u l-effetti avversi tad- drogi mal-udjenza. Waqt id-diskussjoni miftuħa fl-avveniment se jkun hemm in-newroxjenzat Prof. Richard Muscat li jirriċerka s-sustanzi psikoattivi u huwa espert dwar kif il-moħħ jirreaġixxi għalihom, kif ukoll kelliem mill-aġenzija Sedqa li se jaqsam l-għarfien espert tagħhom fuq il-konsegwenzi soċjali tal-abbuż tad-droga.

Tim Kreattiv

Julia Curmi – Organizzatur (The Malta Chamber of Scientists)
Dr Edward Duca – Koordinatur (The Malta Chamber of Scientists)
Dr Sholeem Griffin, Animal Liberation Malta – Kelliema
Estelle Olivier – Disinjatur