Blu hu l-isem tal-kunċert tal-brodu fejn se jniedu l-aħħar album tagħhom bl-istess isem.

Brodu se jdoqqu ħafna kanzunetti minn dan l-aħħar album, xi kanzunetti mill-albums passati, u kanzunetta ġdida li għad trid tiġi rrekordjata.

Mal-brodu se jkun hemm Mario Vella u Yasmin Kuymizakis bħala kantanti fuq ġiex kanzunetti separati, Justin Galea fuq il-flawt, Francesco Sultana fuq il-klarinett, u l-“Għaqda mużikali ħniena divina” li se jdoqqu mal-brodu kanzunetta ġdida li ġġib l-isem ta’ “Fl-univers maġenbek”.

“Is-suffarin” u “Bainmarie” se jkunu qed idoqqu qabel il-brodu. It-tnejn li huma se jkunu qed jiddebuttaw live għall-ewwel darba.

Il-brodu huma ħerqana ħafna għal dal-kunċert u jittamaw li l-udjenza ma tkunx diżappuntata.

Il-Ġimgħa 19 ta’ Marzu fit-8pm – Prestazzjonijiet minn Brodu u Is-Suffarin 

Is-Sibt 20 ta’ Marzu fit-8pm – Prestazzjonijiet minn Brodu u Bainmarie

Il-Ħadd 21 ta’ Marzu fit-3pm – Prestazzjonijiet minn Brodu u Bainmarie

Il-Ħadd 21 ta’ Marzu fis-7pm – Prestazzjonijiet minn Brodu u Is-Suffarin