Andrea Botto (Italy)

Artisti f’Residenza, 2022

DWAR IL-PROĠETT

Andrea Botto (1973) huwa fotografu u lecturer Taljan. B’interess fil-pollinazzjoni inkroċjata bejn diversi mezzi tal-arti kontemporanja, huwa juża l-fotografija bħala mezz kif ifettaq id-dinja sabiex jesprimi l-kumplessità tagħha u jesponi s-stratifikazzjonijiet tagħha. Il-ħin, l-immaġinazzjoni kollettiva, kif ukoll it-trasformazzjonijiet attwali li jimmarkaw l-età preżenti huma t-temi ewlenin tax-xogħol tiegħu, li jesplora l-ekwilibriju instabbli li jirregola l-pajsaġġ, permezz tal-“estetika tal-qerda”. Il-proġetti tiegħu ġew rikonoxxuti b’għotjiet u premjijiet u ġew eżebiti f’mużewijiet internazzjonali, inklużi l-Fotomuseum Winterthur, il-MAXXI f’Ruma, il-MoCA f’Shanghai, il-Mużew Benaki f’Ateni, iċ-Ċentru Kolkata għall-Kreattività. Ix-xogħlijiet tiegħu jinsabu f’kollezzjonijiet tal-arti kemm privati kif ukoll pubbliċi.