“Għawnhekk in-nies jiġu u jitilqu b’mod stramb ħafna.”

Prior (minn Angels in America, Part One: Millennium Approaches)

Data: Il-Ħamis, 20 ta’ Lulju 2017
Ħin: 8PM

Post: Ċinema (Kavallier ta’ San Ġakbu)

Ambjentat fl-Amerika tas-snin tmenin, li tinstab maqbuda bejn l-amministrazzjoni konservattiva ta’ Reagan u l-krizi ta’ l-AIDS, Andrew Garfield (Silence, Hacksaw Ridge) jinterpreta l-irwol ta’ Prior Walter, membru tas-soċjeta’ elite ta’ New York li qiegħed jiġġieled kontra l-agħar fażi tal-marda. Meta l-maħbub ta’ Prior, Louis, jitlaq f’daqqa waħda u jħallih jfendi għal rasu, il-protagonist tagħna jibda jesperjenza serje ta’ żjarat anġeliċi, li jidrhu sospiżi bejn ir-realta’ u kriżi emozzjonali. Sadanittant, fid-dinja barra l-appartament ta Prior, jkomplu jiżvolġu bosta drammi kumplessi fost il-klikkek tas-soċjeta’ tiegħu, interpretati minn kast qawwi: Denise Gough (People, Places and Things), Nathan Lane (The Producers), James McArdle (Star Wars: The Force Awakens) and Russell Tovey (The Pass).

Ibbażata fuq id-dramma rebbieħ tas-sena 1993 f’żewġ partijiet tad-drammaturgu Amerikan Tony Kusher, din l-interpretazzjoni ġdida ta’ Angels in America: A Gay Fantasia on National Themes, hija diretta minn Marianne Elliot (The Curious Incident of the Dog in the Night-Time u War Horse), li rebħet żewġ premjijiet prestiġjużi, il- Laurence Olivier Award u t-Tony Award.

It-Tieni Parti: Perestroika, ser tixxandar live il-Ħamis 27 ta’ Lulju 2017.